Ji Frensî: Evdila Încekan
Dayîk dihûne
Law şerr dike
Dayîk vê gelek tabiî dibîne
Lê bav, bav çi dike?
Ew tiştan dike.
Jina wî dihûne
Lawê wî şerr dike.
Ew jî tiştan dike.
Ew, bav, van tiştan giştikî tabiî dibîne.
Û lawik û lawik
Û lawik, ew çi dibîne?
Ew qe tiştekî, ti tiştekî nabîne, lawik
Lawik. Dayîka wî dihûne, bavê wî tiştan dike, ew şerr dike.
Gava wî şerr qedand,
Ew ê bi bavê xwe ra tiştan bike.
Şerr dewam dike, dê dewam dike, dihûne
Bav dewam dike, tiştan dike.
Lawik hate kuştin, ew îdî dewam nake.
Bav û dê diçin nav mezelan.
Ew vêya tabiî dibînin, bav û dê.
Ew vêya tabiî dibînin, bav û dê.
Jîyan dewam dike, jîyana bi hûnandinê, bi şerr, bi tiştan
Tişt, şerr, hûnîn, şerr.
Tişt, tişt û tişt.
Jîyana tevî gorê
