Ji Frensî: Abdullah Încekan
Wî qehwe kir
Fîncanê
Şîr kir
Fîncana qehwê
Şekir kir
Qehwa bişîr
Bi kevçîyê piçûk
Ew tevda
Wî qehweya bişîr vexwar
Û fîncan danî cîh
Bê qisedan bi min re
Cîxarekê
Vêxist
Bi dûxana wê
Xelek çêkirin
Xwelîya wê kir
Xwelîdankê
Bê qisedan bi min re
Bê mêzekirina li min
Rabû
Wî
Sakoyê xwe yê şilîyê li xwe kir
Ji ber ku şilî dibarî
Û çû
Di binê şilîyê de
Bê gotinekê
Bê li min mêzekirin
Û min
Serê xwe girt nav destên xwe
Û ez girîyam
(Nûbihar, 41/42 – Sibat/Adar 1996)
