Ji frensî: Abdullah İncekan
Merivek derket ji mala xwe
Wext sibê zû ye
Ev merivekî bi keder e
Ev tişt ji ruyê wî dixuyê
Ji nişka va wî di elba çopê da
Bottin Mondainekî[1] dît
Gava meriv bi keder be, meriv wexta xwe diqedîne
Û mêrik le Bottin girt
Hejand û bê ku li ser bifikire pel bi pel mêzekir
Tişt mîna xwe ne
Meriv pir bi keder e
Lewra navê wî Ducon[2] e
Û wî rûpel zivirandin
Wî her rûpel zivirandin
Û di pela D’yê da
Sekinî
Û wî li paragrafa DU’yê mêze kir
Û mêzekirinên merivê bi keder pê ra kêfxweş û ronî bûn
Tikes
Bi rastî navê tikesî ewha nebû
Di nav diranên xwe da got
Ez tenê Ducon im
Û wî kitêbê bi şida girt
Paqij kir
Û bi serbilindî
Û bi xwe bawer
Rêya xwe domand
[1] Le Bottin Mondain kitêbeke ku tê da navê dehhezar merivên ji tebeqeya jor li gorî alfabeyê hatine rêzkirin
[2] Ducon paşnav e, lê ji bo xeberdanê (sixêfan) tê bikaranîn. „dîn, ehmeq“
